ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

រឿងជម្លោះដណ្តើមបូជាសពម្តាយ! មេធាវីបង្ហាញបណ្តាំមរតករបស់សពម្តាយដែលប្រគល់ឱ្យកូនពៅ

  • ចុះផ្សាយថ្ងៃទី១៣ ខែធ្នូ ឆ្នាំ២០២២ ម៉ោង ១៧:៤៩ នាទី ដោយ Sorm Pheaktra
  • 2947
  Aa |   aA

ខេត្តព្រះសីហនុ៖ ក្រោយពីមានករណីជម្លោះរវាងបងប្អូនបង្កើតចំនួន ៣នាក់ដណ្តើមសពម្តាយបូជាដែលផ្អើលនៅស្រុកស្ទឹងហាវ ខេត្តព្រះសីហនុកាលពីថ្ងៃទី១២ ខែធ្នូ ឆ្នាំ២០២២ មេធាវីរបស់សពម្តាយបានបង្ហាញមរតករបស់សពម្តាយដែលបានធ្វើមុនមរណភាពទៅ ដោយផ្តល់សិទ្ធិកាន់កាប់ប្លង់ដី និងផ្ទះ ដែលស្ថិតនៅឃុំទំនប់រលក ស្រុកស្ទឹងហាវប្រគល់ឱ្យកូនប្រុសពៅ ឈ្មោះ ស៊ុន ជីវលី ជាអ្នកទទួលមរតកនេះទាំងអស់។

ក្នុងលិខិតបណ្តាំមរតករបស់ម្តាយដែលធ្វើឡើងកាលពីថ្ងៃទី១៩ ខែមិថុនា ឆ្នាំ២០១៧ បានបញ្ជាក់ឱ្យកូនប្រុសពៅឈ្មោះ ស៊ុន ជីវលី ជាអ្នកទទួលចាត់ចែងធ្វើបុណ្យសពជូនម្តាយ និងឪពុក បើកាលណាឪពុកម្តាយបានចែកឋានទៅ។

ក្នុងលិខិតដដែលនោះបានបញ្ចាក់ពីគោលជំហពិតប្រាកដរបស់ម្តាយ ថាការធ្វើបណ្តាំមរតកជូនកូនប្រុសពៅនេះគ្មានការបង្ខិតបង្គំ និងគំរាមកំហែង ឬការប្រើអំពើហិង្សាឡើយ។ មុនអនិច្ចកម្មម្ចាស់ប្រគល់សិទ្ធិបានអះអាងដូច្នេះថា៖ «លិខិតនេះបានបង្កើតនៅពេលដែលនាងខ្ញុំមានសតិ ស្មារតីគ្រប់គ្រាន់ ហើយបានអាន និងពិនិត្យយ៉ាងត្រឹមត្រូវ»។

ជម្លោះរវាងបងបង្កើតស្រីចំនួន ២នាក់ ដណ្តើមសពម្តាយទៅបញ្ចុះបូជាជាមួយប្អូនប្រុសពៅបានបង្កការភ្ញាក់ផ្អើលជាខ្លាំង ខណៈមហាជនបានសម្តែងការមិនពេញចិត្តចំពោះរឿងនេះ ហើយបានចោទសួរថាហេតុអ្វីបានជាអាជ្ញាធរមិនហ៊ានអនុវត្តច្បាប់ចំពោះអ្នកដែលមិនបានធ្វើតាមបណ្តាំមរតកសពម្តាយ?

ជុំវិញរឿងរ៉ាវនេះ លោកមេធាវី សូ សុខប៊ុនថេត បានបញ្ជាក់ប្រាប់អ្នកសារព័ត៌មាន EAC News ថាមានតែតុលាការតែមួយគត់ដែលមានសមត្ថកិច្ចចាត់ការលើរឿងនេះ ពោលបើកាលណាបងប្អូនប្រុសស្រីមិនមានការព្រមព្រៀងគ្នាលើបណ្តាំមរតករបស់ម្តាយ គឺភាគីដែលមិនសុខចិត្តអាចធ្វើពាក្យបណ្តឹងទៅតុលាការដើម្បីឱ្យតុលាការសើរើថា បណ្តាំមរតកនោះពិតជាមានការដឹងឭពីសាក្សីពិតប្រាកដត្រឹមត្រូវឬអត់ ឬក៏មានការក្លែងបន្លំលិខិតមរតកណាមួយ៕


ព័ត៌មានជាច្រើនទៀតសម្រាប់អ្នក